LAOAG CITY – Balligi ti naisayangkat a vaccination roll out iti GRBASMH.
Agarup 87 dagiti mabakunaan ita nga aldaw pakaibilangan dagiti nurses, doctors, institutional workers kas kadagiti utility workers, security guards ken karaman pay dagiti saguip nurses.
Agarup 306 dagiti nakalista a mabakunaan agsipod ta 612 doses ti Sinovac vaccines ti naiyalokar iti GRBASMH.
Segun ti nakasarsarita ti Bombo Radyo iti registration area ket adda dagiti nagpalista a saan a pimmasa iti screening area gapu ta adda ti uyek ken dadduma pay a sintomas a naobserbar da.
Kabayatanna, inbatad ni Gov. Matthew Marcos Manotoc a sumaruno a mabakunaan dagiti uniformed personnel kas kadagiti pulis.
Manamnama met a sumangpet ti Astrazeneca Vaccines iti 3rd quarter no sadinno nga 60 ribo dagiti manamnama a mabakunaan iti daytoy.
Kitkitaen da no gumatang da pay ti adadu a bakuna kontra COVID-19.
Kabayatanna, inpasingked ni Dr. Walberg Samonte nga awan ti sabsabali a nariknana kalpasan nga isuna ti kaunaan a nabakunaan kadwana ni Dr Norman.
Inbatadna a limitado laeng dagiti bakuna, ta no adda masapul a gundawayanen ti agpabakuna.
Mainaig iti daytoy, inbatad met ni Sang. Panlalawigan Member Dr. Medeldorf Gapat, Chairman ti Committee on Health a nagpabakuna daytoy saan a gapu ta isuna ket maysa a pulitiko ngem ketdi maysa daytoy a health worker.
Gutgutigutenna pay dagiti dadduma a health worker nga agpabakuna saan laeng a para iti bagbagi nudiket tapno maprotektaran dagiti kapamilya ken dadduma pay.
Kabayatanna, inpasingked pay ni Dr. Rinah Corpuz, head kadagiti quarantine facilities a daytoy panagbakuna ti tulbek tapno makapagsubli iti normal.
Ginutigot ni Corpuz dagiti kailyan nga agpabakuna gapu ta naadal a naimbag ti pannakaramid daytoy.
Kunana a ginudawayanna ti agpabakuna nupay Sinovac ti immuna a simmangpet.
Ti vaccine rollout iti GRBASMH ket maiyuswat iti 3 nga aldaw.
