LAOAG CITY – Narekobre ti naabandonar a sumagmamnao a naririt a kayo ti narra iti Brgy. Maananteng iti ili ti Solsona.
Basar iti Philippine National Police iti ili ti Solsona, nagturong a dagus dagiti kameng ti pulisya iti Lubagaon Dam kalpasan nga adda ti naawat da nga impormasyon seknan ti nakita a naabandonar a naririt a kayo ti narra.
Iti panagturong dagiti kameng ti pulisya iti lugar ket nakita da ti lima a naririt a kayo ti narra.
Mainaig iti daytoy, inpakaammo ni Engr. Ranison Narciso iti Municipal Environment and Natural Resources Office (MENRO) a dagiti naabandonar a naririt a kayo ti narra ket addaan iti kaatiddog a 135.87 board feet.
Kabayatanna, nagtalinaed paylaeng iti kustodyar ti pulisya iti ili ti Solsona dagiti naririt a kayo ti narra.
