LAOAG CITY – Inbilin ti Ministry of Education ken Higher Education ti Lebanon a temporario nga iparikep dagiti pagadalan a naapektaran iti rinnupak.
Nagballaagda pay kadagiti sumagmamano nga educational districts ti panagserrada.
Immunan a nagserra ti Lebanese University pakairamanan dagiti sangay daytoy iti Sidon, Nabatieh ken Tyre City.
Kabayatanna, ti nasao a panagrikep kadagiti maseknan a pagadalan ket gapu iti agtultuloy a panangraot ti Israel no sadinno sumagmamano nga Hezbollah lider ken fighters ti napapatayda.
