LAOAG CITY – Pinaayaban ti European Union (EU) ken sumagmamano a pagilian ti Europa dagiti pannakabagi ti Russia kalpasan nga impangta ti Moscow ti posible a panangraut iti Kyiv, agraman dagiti diplomatiko, nga ag-evacuate manipud iti kabesera ti Ukraine.
Karaman kadagiti nangayab ket ti pagilian nga Alemania, Norway, Netherlands, Poland, ken Sweden, kalpasan nga inbatad ti Russia a puntiriana dagiti pasilidad ti militar ken decision-making centers idiay Kyiv.
Kabayatanna, kinunana iti European Union (EU) diplomatic service, pinaayabanda ti Russian chargé d’affaires tapno ibatadna ti panagkedkedna nga inawaganda nga unacceptable escalation ken impettengda nga agtalinaed ti delegasion ti EU idiay Kyiv iti baet ti tension.
