LAOAG CITY – Inlawlawag ni Police Lt. Joselito Rigates, chief of police ti PNP-Dumalneg a nagderetso iti isolation area ti Barangay Kalaw dagiti agasawa a nagpositibo iti covid-19 wenno da IN-C28 ken IN-C29.
Gapo iti daytoy, kuna ni Rigates nga adda dagiti pagtaengan a nailockdown.
Segun kenni Rigates, simmangpet iti ili ti Dumalneg idi Miyerkules, Hulyo 29 dagiti agasawa ken naipan da iti quarantine facility.
Inbatad na nga iti Huwebes ket nagpasikal ni IN-C28 nga agtawen ti 44 isut gapo na a naitaray iti Mariano Marcos Memorial Hospital and Medical Center iti ciudad ti Batac ken ditoy a naswab test ken positibo ti resulta na agraman ti asawa na a ni IN-C29 a nakaptan ti virus.
Mainaig iti daytoy, kuna ni Rigates a dagiti health workers ti kangrunaan a subject ti contact tracing gapo ta isuda dagiti nakapulapol dagiti agasawa.
Kunana pay nga umabot ti 10 nga indibidwal ti mabalin a nakapulapol dagiti agasawa pakairamanan dagiti nangsukon kadakuada iti border iti ili ti Badoc.
