LAOAG CITY – Dinadael dagiti otoridad dagiti paputok nga agbalor ti siyam a ribo a pisos a boluntaryo a naisuko kadakuada.
Segun kenni Police Lt. James Jacalne, hepe ti PNP-Piddig, dagiti paputok ket insuko ti maysa nga aglaklako gapo ta awan ti permit na.
Inbatad na a dagiti paputok ket aggapo iti Sucsuquen ken mismo a ti maseknan ti nangitawag iti PNP ken dagus da met a napan innala dagitoy.
Inlawlawag ni Jacalne nga insuko ti nasao nga indibidual dagiti lako na a paputok tapno saan nga isu ti pangrugyan ti madi a pasamak.
