LAOAG CITY – Nangiparuk-at ti executive order ni Paoay Mayor Romulo Acdal mainaig iti pannakaipatungpal ti lockdown iti sumagmamano a lugar iti nasao nga ili.
Basar iti executive order, nailockdown iti nagbabaetan ti Hamilton St., daya ti San Ramon St., laud ti San Roque St. ken abagatan ti Umayam ken Luna St. Iti Barangay 4, Laoa, Paoay.
Malaksid iti daytoy, nailockdown pay dagiti Sitio Nalasin Proper iti Barangay Nalasin iti nasao met laeng nga ili
Segun kenni Barangay Chairman Noel Quemado iti Barangay Nalasin, manarimaan ti pannakaiyuswat ti contact tracing iti barangay da.
Rumrumwar a karaman kadagiti primary contact ni IN-C845 ket maysa nga opisyal ti barangay.
Naamoan nga adda ti naiyuswat a Barangay Assembly idi sabado isut gapo na nga amin a nagatendar ket dumaldalan iti contact tracing nga isaysayangkat ti Municipal Health Office.
