LAOAG CITY – Inpakaammo ni Brgy. Chairwoman Marierose dela Cruz iti Brgy. 48-B Cabungaan ditoy siudad ti Laoag a dagus a nagresponde kalpasan a narebba ti alad iti maipatpatakder a mall iti nasao a lugar idi kalman.
Segun ken ni dela Cruz, nakikoordenar pay a dagus iti inhinyero nga akin kontrata iti nasao a proyekto tapno maliklikan ti madi nga epekto kadagiti residente.
Mainaig iti daytoy, kuna ti kapitan a gapu iti agtultuloy a panagtudtudo ket saan a nagabenan ti alad ti danom ken isu ti nakaitunda pay ti layus.
Innayun na a posible pay nga adda ti epekto ti napasaran a gingined iti kallabes.
Nu pay kasta, inpakaammo ni dela Cruz nga awan met dagiti nadangran kalpasan ti pasamak.
