LAOAG CITY – Natulid ti maysa nga heavy equipment (driller) iti igid ti rangtay a paset ti ti Brgy.4 iti ili ti Pasuquin.
Naamoan a ti nasao a driller ket maus-usar iti pannakatarimaan ti Palti bridge iti nadakamat a barangay.
Basar iti Philippine National Police iti ili ti Pasuquin, nagreggaay ti riprap kalpasan a limmukneng ti daga gapu iti panagtudtudo na a gubuay ti bagyo Egay rason a natulid ti driller.
Gapu iti napasamak ket napandagan ti driller ti kable ti kuryente a nangitunda ti panagpukaw ti suplay ti kuryente iti sumagmamano a lugar iti ili ti Pasuquin.
Saan a naan-ano ti operator ti driller gapu ta idi madlaw na a matulid daytoy ket dagus a bimmaba.
