LAOAG CITY – Inbutaktak ni Vice President Sara Duterte nga adda ti sumagmamano nga indibidual ti immasideg kenkuana ken kiniddawda nga agbalin a paset ti senatorial slate para iti panagpaidasigna iti kina-Presidente.
Inbatadna nga adda ti uppat a personalidad ti immasideg kenkuana nga ikonkonsiderar isuna.
Saanna met a dinakamat dagiti nagan nga agkalikagum nga agbalin a senador daytoy.
Kunana nga agtultuloy ti panangallukoyna ti napilina a tumaray a bise presidente daytoy.
Maipalagip nga inanunsio ni Vice President Duterte a daytoy ket agpaidasig para iti Presidente inton 2028 elections.
