LAOAG CITY – Nagkedked a mangipaay ti komento ni Dr. Sinamar Abando iti Rural Health Unit (RHU) iti ili ti San Nicolas mainaig iti maipagarop a madi a pannakisarita dagiti empleado.
Nupay kasta, kunana nga inmbestigaren na daytoy tapno dagus a masolbar no adda man ti kamali.
Segun kenni Abando, ado dagiti mapmapan a kliyente kas kadagiti agpa-laboratory, mangala ti medical certificate ken dagiti APOR nga agpa-test.
Daytoy ket malaksid pay kadagiti pasyente a mapmapan agpacheck up.
Innayo nna nga adda met dagiti gundaway a natangken ti ulo dagiti kliyente ken saan da a sumursurot no anya ti ibaga da kas ti social distancing gaopo ta atiddog ti pila da nangruna kadagitoy a gundaway nga ado dagiti mangala ti health certificate.
Ummuna iti daytoy, adda ti dimmanon a reklamo ditoy Bombo Radyo Laoag a maipagarop a madi ti pannakisarsarita dagiti personnel ti RHU-San Nicolas kadagiti kliyente da.
