LAOAG CITY – Nagsardeng ti trabaho dagiti sumagmamano a Pilipino iti maysa nga isla idiay Seychelles gapu iti covid-19.
Daytoy ti report ni Bombo International Rhod Valencia, taga Laoag city ngem agdama nga agtrabtrabaho iti Alphonse Island idiay Seychelles.
Inbatad ni Valencia nga iti ayan da nga isla ket ibilang na a nagasat gapu ta awan pay ti kaso na ti covid-19 ngem naisardeng latta ti panagtrabaho da kalpasan nga adda dagiti naapektaran ti virus iti dadduma nga isla iti nasao a pagilyan.
Inpaakammo ni Valencia nga iti ayan da nga isla ket 15 da laeng a Pilipino.
Nupay nagsardeng ti panagtrabaho da, nagyaman ni Valencia gapu ta naipadanun kadakuada nga ited latta ti gobierno ti sweldo da sipud nagsardeng da idi Abril 2 ita a tawen.
