LAOAG CITY – Napadayawan dagiti sumagmamano a police station ditoy probinsya.
Segun kenni Police Lt. Col. Randy Baoit, deputy provincial director for operation, nakaawat ti pammadayaw ti Laoag City Police Station, Piddig Municipal Police Station ken Pinili Municipal Police Station.
Kabayatan ti panagbitla ni Baoit, inrakurak na a bimmaba ti bilang dagiti aksidente itay kallabes.
Kuna na nga immabot laeng ti pito dagiti naimaldit a desgrasya.
Inbatad ni Baoit a kasapulan laeng ti panangprebentar ken panagalerto da kontra dagiti focus crimes.
Kabayatanna, maudi nga aldaw ni Police Col. Cesar Pasiwen kas provincial director ti INPPO intono Miyerkules Pebrero 19, 2020 ken sumukat kas officer-in-charge ti opisina ni Police Col. Christpher Abrahano.
Nareshuffle dagiti sumagmamano a chief of police a pakaibilangan ni Police Major Paul Benedict Parado iti PNP San Nicolas a naipan iti Provincial Plans and Program Unit ken simmukat ni Police Major Joseph Baltazar iti nasao nga ili a naggapu iti PNP Vintar.
Naipan met ni Police Capt. Joseph Calderon iti PNP Vintar.
