LAOAG CITY – Adda ti sumagmamano a pribado a pagadalan iti basic agingga iti higher education a nagaplikar tapno maipangato ti matrikula iti sumaruno nga school year.
Daytoy ti kinumpirmaran ti Coordinating Council of Private Educational Associations of the Philippines (COCOPEA).
Ipetpetteng ti grupo a long overdue’n ti tuition fee hikes gapu ta naudi a nagaplikar ti sumagmamano a pagadalan para iti tuition hike ket sakbay pay a nag-pandemiya.
Inbatad ni Coordinating Council of Private Educational Associations of the Philippines chairman Fr. Albert Delvo a tapno masolusyunan ti inflation ken economic difficulties, saan a maliklikan nga agaplikar da para ti pannakaipangato ti matrikula nga umab-abot manipod iti 3% agingga iti 9% wenno 12%.
Basar pay iti konseho, ti 70% ti nayun iti tution fee ket mailatang para iti sweldo dagiti mangisursuro.
Iti biang ti Department of Education, agkalkalap metten ti hensiya kadagiti impormasyon seknan kadagiti pagadalan a nagaplikar para iti tuition fee hikes idinto a ti Commission on Higher Education ket manamnama a trataren na ti tuition fee hike iti Commssion en Banc.
