LAOAG CITY – Mabalbaliwan ti sumagmamano a probisyon ti Revenue Code ditoy probinsia, partikular ti bayad dagiti hospital equipment iti Governor Roque Ablan Senior Memorial Hospital ken Bangui District Hospital, dagiti sanikwa ti probinsia iti ili ti Burgos kangrunaan na dagiti ayan ti solar ken wind farm.
Karaman pay ditoy ti Micro, Small and Medium Enterprise incubation center iti Ilocos Norte.
Mainaig iti daytoy, inpakaammo ni Bokal Franklin Respicio nga addanto ti maisayangkat a public hearing intono biernes tapnu ad-adda pay a maadal dagiti maiyimplementar a bayadan dagiti manggundaway kadagitoy a serbisyo ti probinsia.
