LAOAG CITY – Agduduan dagiti sumagmamano a pulitiko a mangsuporta ti impeachment kontra ken ni Vice-Presidente Sara Duterte.
Daytoy ti inrakurak ni Teddy Casino, chairperson ti Bagong Alyansang Makabayan ken maysa kadagiti nangsuporta iti impeachment kontra ken ni Vice President Duterte.
Kuna ni Casino a saan a daytoy ti kaunaan a gundaway a ti impeachable official ket naaddaan ti dakkel a rally tapno lapdan ti impeachment.
Dinakamat pay ni Casino ti kaso ni dati a Presidente Joseph Estrada, kagiddan ti panangibaga a saan a makalapped ti naindaklan a rally para iti panagtrabaho ti kamara de representates.
Innayon ni Casino a saan a rumbeng a pagibasaran dagiti agpanpanday linteg ti kaado dagiti nakipaset ti rally no di ket mismo a ti ebidensya no ti maysa nga impeachable official ket pinerdi na ti panagtalek ti publiko.
