LAOAG CITY – Inpakaammo ni Mr. Cornelio Lucas, Principal ti Laoag Central Elementary School nga adda dagiti sumagmamano a pupils iti nasao a pagadalan ti nagklase iti School Canteen ken ti Gabaldon Building kagiddan ti umuna nga aldaw ti klase dagiti estudiante.
Segun kenkuana, daytoy ket kalpasan a manarimaan pay laeng ti pannakatarimaan iti maikadua a kadsaaran ti baro a building.
Nupay kasta, inpanamnamana a kalpasan iti uneg ti dua a lawas ket naan-anayen nga agsubli iti klasrum dagiti maseknan nga estudiante tapno mas komportableda met laeng iti panagbasada.
Mainaig iti daytoy, inbatad ni Lucas a bimmaba ti bilang dagiti enrollees ita nga School Year 2024-2025 no idasig iti napalabas a tawen ngem agtultuloy pay laeng ti enrollement dagiti dadduma no sadinno nga adda pay dagiti agad-adal a transferee.
Innayonna nga iti agdama ket adda ti 793 enrollees ti nakailista iti pagadalanda ken awatenda pay dagiti late enrollees.
