LAOAG CITY – Inadmitir dagiti empleyado iti merkado publiko ditoy siudad ti Laoag nga adda dagiti sumagmamano a residente ti saan pay a makaammo kadagiti cluster barangay a nakaschedule iti pannakitiyenda.
Iti nakalap nga impormasyon ti Bombo Radyo Laoag, adda ti maysa a taga Brgy. Camangaan a saan na nga ammo ti clustering dagiti barangay ngem nairana nga iskedyul ti barangay para ti panagtiyenda.
Awan met ti nagbalin a problema iti annayas ti pila dagiti residente a naituding a pannakitiyenda da ita nga aldaw.
Ti schedule dagiti cluster barangay a pannakitiyenda ket iti Lunes ti bigat, whole day iti Huebes ken malem iti Sabado ket para kadagiti Cluster 1 agingga iti Cluster 5 a dagitoy ket Brgy. 1 agpatingga iti Brgy. 24.
Iti aldaw ti Martes whole day, Biernes ti malem ken bigat ti Domingo ket para iti Cluster 6 agingga iti Cluster 10 a dagitoy ket Brgy. 25 agpatingga iti Brgy. 31, Brgy. 57, Brgy. 58, Brgy. 32A agingga iti Brgy. 43.
Iti Miyerkules whole day, bigat ti Biernes ken malem ti Domingo a pannkitiyenda ket para iti Cluster 11 agingga iti Cluster 15 a dagiti barangay ti Brgy. 44 agpatinga iti Brgy. 56, Brgy. 59A agpatingga iti Brgy. 62B.
