LAOAG CITY – Nagballaag dagiti otoridad idiay Texas, United States of Americaa kadagiti residente gapu iti pangta ti nakaro a layos.
Ti nasao nga evacuation order ket kalpasan ti maysa a lawas a napasaranda a nalawa a panaglayos iti central Texas.
Naammoan a dagiti karaman a residente nga agibakwit ket manipud iti southeastern San Saba County pakairamanan ti Colorado Bend State Park.
Basar iti National Weather Service, manamnama ti napigsa a tudo a mangitunda ti panaglippias ti San Saba River.
Gapu iti daytoy, kinanselar dagiti otoridad ti panangbiruk kadagiti mapukpukaw a residente gapu iti nakaro a layos iti Kerrville City iti kallabes.
Maipalagip nga adda ti 103 nga indibidual ti natay ken 140 a dadduma pay ti mapukpukaw iti panaglayos a napasamak idi Hulio 4.
