LAOAG CITY – Naruay a residente idiay Tyrone, Oklahoma ti nagibakwit gapu iti nalawa a wildfire.
Basar iti Texas County Emergency Management nga adda ti sumagmamano a miembroda ti nasugatan gapu iti kinadakkel ti apoy.
Nagbalin a narigat ti panangsebsebda gapu iti kinapigsa ti angin iti lugar.
Segun iti Department of Emergency Management iti Oklahoma, nagramram ti apoy iti paset ti Beaver, Texas ken Woodward counties.
Naammoan a rinibribu nga ektaria ti daga ti nauram iti paset ti Kansas ken Oklahoma.
Nagtitinnulong dagiti bumbero manipud kadagiti nagduduma nga estado para iti naan-anay a pannakasebseb ti apoy.
