LAOAG CITY – Balligi ti pannakaiyuswat ti dua a nagsina nga operasyon seknan iti iligal a panagsusugal iti Brgy.#20-S Mabaleng, Batac City, Ilocos Norte.
Ummuna a natiliw dagiti dagiti lima a lallaki ken innem a babbai gapo iti panagsusugal nga isuda Leonora Lacsamana y Urbano, agtawen ti 51, balo; Ligaya Lumboy y Cabanatan, agtawen ti 40, naasawaan; Josephine Urbano y Barandoc, agtawen ti 65, naasawaan; Leonel Laxamana y Urbano, agtawen ti 24, awanan ti asawa, maysa a chef; Roy Morales y Lampitoc, agtawen ti 50, maysa a mannalon; Any Morales y Lampitoc, agtawen ti 28, naasawaan ken agpapada a resudente iti Brgy. 20-S Mabaleng iti nasao a ciudad.
Dagiti met nakalibas ket da Kate Asuncion, Florie Ann Teppang, Levie Jane Aspili, Glenn Morales, Aldre Bigsot, residente met laeng iti nadakamat a barangay.
Segun kenni Police Lt. Col. Mar Loiuse Bondo, ti hepe ti PNP-Batac, bayat ti panagpatrolya da iti Sitio Pasadsad ket adda ti naawat da a report ken naaktuan da a mismo ti panagay-ayam dagiti suspek ti “forty-one”.
Nakumpiskar dagiti otoridad ti 52 a pidaso ti baraha, 1,550 a pisos, maysa a lamisaan, uppat a mono bloc chairs ken maysa a bamboo chair.
Kabayatan ti imbentaryo dagiti otoridad ket adda manen ti naawat da a report seknan met laeng iti panagsusugal iti met laeng nasao a barangay.
Ditoy a natiliw met dagiti innem a lallaki a da Magic Dave Morales y Lampitoc, agtawen ti 2, awanan ti asawa, dispatcher; Eddie Cabanatan y Naanep, agtawen ti 59, balo ken maysa a mannalon; Benigno Dimaya Jr y Barandoc, agtawen ti 42, assaan ti live-in partner, maysa a mannalon; Roger Silac y Mata, agtawen ti 58, awanan ti asawa ken maysa a mannalon; Noel Morales y Asuncion, naasawaan, agtawen ti 40, tricycle driver ken ni Rommel Morales y Asuncion, agtawen ti 47, naasawaan ken agpapada met laeng a residente iti Barangay Mabaleng.
Natiliw dagitoy gapo iti panagay-ayam da ti “pusoy dos” no sadinno nakumpiskar ti 53 a pidaso ti baraha, 5,120 a pisos, maysa a lamissan ken uppat a mono bloc chairs.
