LAOAG CITY – Agsagsagana ti dakkel a paset ti California gapu iti manamnama nga iduduprak ti napigsa a bagyo.
Basar iti National Weather Service (NWS), adda ti agarup 11 a milyon a residente ti California ti maapektaran ti nasao a bagyo.
Nagutigot dagiti sumagmamano a residente ti Palisades, Sunset ken Hurst area nga insigida nga agibakwit.
Mangitunda ti napigsa nga angin ti agingga iti 60 miles per hour ti nasao a bagyo a posible nga agbalin nga alipugpog.
Inallukoy ni Los Angeles Mayor Karen Bass dagiti residente a sumurot kadagiti maipatpatungpal a pammilin mainaig iti iduduprak ti napigsa a bagyo.
Posible a mangitunda ti nalawa a panaglayus ti bagyo iti paset ti Bay Area iti San Francisco.
Pattapattaen dagiti meteorologist a mangitunda pay ti nasao a bagyo ti lima agingga iti walo a kadapan ti yelo iti Sierra Nevada.
Kabayatanna, manamnama nga umadayo ti bagyo iti paset ti California inton aldaw ti Huebes.
