LAOAG CITY – Sinungbatan ti Ilocos Norte Electric Cooperative (INEC) dagiti saludsod a naidasar seknan iti nangato a singir ti kuryente kabayatan ti pannakaiyuswat ti session iti konseho ditoy siudad ti Laoag
Daytoy ket babaen mismo ken ni INEC general manager Herbert ‘Bing’ Agdigos.
Maysa kadagiti nasaludsod ken ni Agdigos manipod ti konseho ket nu mabalin a makaala ti baro a kontrata ti kooperatiba iti namnama a maibaba ti singir ti kuryente.
Kuna ni Agdigos a posible a mapasamak daytoy ngem masapol a ma-published ken agarup maysa a tawen ti kasapulan a mauray.
Kabayatanna, dinamag ti maysa kadagiti member consumer a ni Ms. Sigric McKenzy, quality analyst ti Center for Ecology and Energy Development ken residente iti Batac City nu mabalin a maipresentar ti PSA agreement ti kooperatiba iti Masinloc ken San Miguel.
Inbatad ni Agdigos a ti PSA agreement iti nagbaetan ti INEC ken Masinloc ket naiyaplikar iti ERC ken ti pannakaaprubar daytoy ket pending for review.
Innayun na a napirmaan pay ti non-dicslosure agreement iti nagbaetan ti kooperatiba ken Masinloc ken mabalin da met nga ipakita ti kontrata.
Nasaludsod pay ken ni Agdigos nu karaman iti distribution charges ti aw-awaten a sweldo ken bonus dagiti inec directors.
Inpetteng ti general manager a protektado da iti provicay law ken nu kalikagum a maamoan daytoy ket mabalin ti agturong iti opisina da ken ti mismo a finance department ti pakaamoan.
Paset ti palawag ni INEC General Manager Bing Agdigus kadagiti saludsod maipanggep iti nangato a singir ti kuryente kabayatan ti session iti Laoag City Hall idi kalman.
Immunan nga inlawlawag ni INEC General Herbert ‘Bing’ Agdigos a ti rason nu apay a nabababba ti singir ti kuryente iti Ilocos Sur no ikompara ditoy probinsya.
Segun ken ni Agdigos, ti INEC ket ma-reading babaen iti power supplier iti tunggal maika-25 nga aldaw ti bulan.
Kuna na nga iti sumaruno a bulan kalpasan ti reading ket iti met maikawala nga aldaw ti pannaka-reading ti dagiti member consumers ditoy probinya.
Inbatad na nga iti biag ti Ilocos Sur Electric Cooperative wenno ISECO ket 18 ti panagreading rason a ti rate da ket maibasar iti napalabas a bulan ken daytoy ti mangitunda nga arig a nababbaba ti singir iti kuryente.
Innayun ni Agdigos nga iti Ilocos Sur ket tallo a powerplant ti pagapuan ti suplay ken maikapat ti Wesep.
Kabayatanna, ti general manager a makitaripong ti kooperatiba iti San Miguel tapn maamoan nu husto ti panaggatang ti coal.
Inbunannag na a kalpasan daytoy ket posible a maaramid ti nagduduma nga stratehiya tapno maipababa ti singir iti kuryente ken ti panaginot iti daytoy.
