LAOAG CITY – Nasakit ti nakem dagiti sumagmamano a senador kalpasan a saan nga inkankano ti kiddaw da a manayunan tu badyet ti Office of the Vice President (OVP) iti naisayangkat a caucus ti Senado.
Segun ken ni Sen. Imee Marcos kadwa na da Sen. Bato dela Rosa, Sen. Bong Go, ken Sen. Robin Padilla na nangingato ti ima ken immanamong apaman a nasaludsod no kayat da a manayunan ti pondo iti opisina ti Bise presidente.
Naammuan a saan a naikankano ti panangingato da iti imada gapu ta maipagarup a saan met a nagkiddaw ni Vice Pres. Sara Duterte iti kanayonan a pondo.
Mainaig iti daytoy, kinontra pay ni Sen. Imee ti imun-unan nga inrakurak ni Senate Committee on Finance Chairperson Grace Poe a mabalin pay laeng nga ag-operate ti Office of the Vice President babaen ti ₱733 milion a pondo.
Impasingked ti senador a posible nga adu dagiti maawanan ti trabaho no saan a manayonan ti badyet, isu a mangnamnama daytoy a mapatgan ti kiddaw ti sumagmamano nga agpanpanday-linteg.
