LAOAG CITY – Maysa a weird a trend ti uso ita idiay China no sadinno a dagiti single a babbai nga agtawen ti 20 agingga iti 25 ket nangalan ti maternity photos a nakasuot ti peke a buksit a naaramid iti silicone.
Gagem daytoy a trend a mangalan ti maternity photos dagiti babbai kabayatan nga ubbingda pay, napintas, slim ken “fresh” pay ti itsura dagitoy.
Para iti kaadduan, ti maternity photos ket espesyal para kadagiti babbai a Chinese nga agplanplano ti nasapa ken agpapaalan ti ladawan nga ubingda pay.
Ti trend a maaaw-awagan a “premade maternity photos” ket napagsasaritaan kalpasan nga inburay ti maysa a Gen Z influencer a ni Meizi Gege manipud iti Hunan.
Iti post-na idi Oktubre 2024, inpakitana dagiti maternity photos nga innala kabayatan nga slim pay isuna banag a nangiduron iti dadduma a mangiburay kadagiti peke a maternity photos.
