LAOAG CITY – Inbilin ni Mayor Larisa Foronda iti ili ti Vintar ti pannakailockdwon ti Sitio Tres iti Barangay 14, Ester, Purok Rang-ay iti Barangay 10 Parparoroc, Purok Namnamana partikular ti Lopez Jaena St. iti Barangay 4, Sta. Maria iti nasao nga ili.
Segun kenni Foronda, ti lockdown ket agpaot ti 14 nga aldaw.
Daytoy ket kalpasan ti naiysuwat a contact tracing iti nagpositibo iti covid-19 wenno ni IN-C96 a residente iti Barangay 14 iti nadakamat nga ili.
Mainaig iti daytoy, dagiti kameng ti PNP, barangay tanod ken opisyales ti barangay ti agbantay kadagiti checkpoints kadagiti nasao a lugar.
Kunana a ti laeng mapalubusan a rumwar ket dagiti maibilang nga APOR.
