LAOAG CITY – Inbatad n Atty. Regie Pascua iti Barangay Zamboanga ditoy ciudad ti Laoag a saanna pulos a ninamnama a makapasa iti bar examination a naiparuk-at laeng ti resulta na itay immuna a gundaway.
Segun ken kuana, apaman a naipakaammo kenkuana ti pannakabasa na iti bar exam ket saannan a maawatan ti rikna na ken nakaron ti nerbyus na.
Naamoan a ni Pascua ket agtrab-trabaho iti agdama iti Department of Works and Highways (DPWH) ditoy ciudad ti Laoag kas accountant ken nagturpos daytoy iti Northwestern University.
Saan pay nga ammo ni Pascua no ania ti sumaruno nga addang na kalpasan a nakapasa ti bar exam.
Malaksid ken ni Pascua, karaman pay a nakapasa iti bar exam dagiti sumagmamano a nagturpos iti NU a da Franklyn Calumag, David Agcaoili, Bianca Taylan Pastor ken ni Jicoy Viloria Taruc idinto a dagiti nakapasa iti Mariano Marcos State University (MMSU) iti ciudad ti Batac ket da Jerick Dagdagan, Hyacint Miranda ken ni Ma. Santiata Marcos.
