LAOAG CITY – Natay dagiti sumagmamano a taraken a tilapia dagiti mangalap iti Brgy. Lapaz ditoy cuidad ti Laoag gapu iti kinaapgad ti danom iti karayan.
Daytoy ti inpakaammo ni Ms. Shiela Opelac, ti mangidadaulo iti City Agriculture Office ditoy ciudad.
Kunana nga itay kallabes ket natay dagiti taraken a malaga dagiti mangalap iti metlaeng nadakamat a barangay gapu iti kinakurang iti saline wenno apgad iti danom iti karayan.
Inbatad ni Opelac nga iti panagturongda iti nadakamat a lugar iti kallabes ket naobserbaran da a sobra iti apgad a simrek iti karayan manipod iti baybay isut gapuna nga adda dagiti nagtapaw a tilapia.
Nupay kasta, inpetteng na a sumurot ti abiso ti Bureau of Fisheries and Aquatic Resources ( BFAR) ken opisina da tapno maliklikan ti kapada nga insidente .
Kabayatanna, inpasigurado na ti naan-anay a tulong ti Department of Agriculture kadagiti mangalap iti Metro Lapaz.
Maipalagip a sumagmamano a mangalap iti Brgy. Metro Lapaz ditoy ciudad iti nakapasar ti pannakatay ti taraken da nga ikan gapu iti nababa a salinity level ti danom a nakapupokan dagitoy.
