LAOAG CITY – Nagballaag ni Mr. Aldrin Gamba, ti Revenue District Officer ditoy ciudad ti Laoag kadagiti taxpayers a saan nga agbaybayad ti umiso a buwis.
Inbatad na a binolan nga ag-validate da tapno maamoan no usto metlaeng ti idekdeklarar a mapaspastrek dagiti nagduduma nga establisimiento ken no dagitoy ket agbaybayad ti umiso a buwis.
Inlawlawag na a no adda dagiti maduktalan da a saan nga agbaybayad ti umiso a buwis, saan a mangideklarar amin ti mapastrek na kangrunaan na no nasurok a 30 a porsiento ti saan da nga indeklarar ket dagitoy ti irekomendar da a maipilaan ti reklamo.
Inpakaammo pay ni Gamba nga adda da metten dagiti inrekomendar da a mapilaan ti reklamo a taxpayers ditoy probinsya.
Gapu iti daytoy, inbalakad na kadagiti taxpayers nga ideklarar ken agbayad da ti umiso a buwis.
