LAOAG CITY – Isagsaganan ti PNP-Paoay ti kaso a panagsalungasing ti PD 1602 wenno illegal gambling kontra kadagiti drivers ti pampasahero a jeepney nga addaan ti rota a laoag-batac-Paoay.
Daytoy ket kalpasan a natiliw dagitoy bayat ti anti-gambling operation iti Laoag-batac-Paoay Terminal iti Bgy. Salbang iti nadakamat nga ili.
Binigbig ni P/S/Insp. Granduer Tangonan, Hepe ti Pulisya ti nasao nga ili dagiti natiliw a da Regino Villanueva, agtawen ti 60 iti Bgy. Baay iti ciudad ti batac, Rodolfo Esplana, agtawen ti 50 iti Bgy. Monte iti ili a Paoay ken ni Alex Bumanglag agtawen ti 59 iti Bgy. San Juan Bautista iti ili a San Nicolas.
Naala ti ikot da bayat ti panagay-ayam da iti tong-it iti kubokubo iti nasao a terminal ti baraha ken ti pusta da a 733 a pisos.
