LAOAG CITY – Inpakaammo ni Mayor Richard Degala iti ili ti Vintar nga adda dagiti sumagmamano a fish cages dagiti mangalap a naiyanud iti Bislak River gapu agtultuloy a panagtudtudo a gubuay iti Super Typhoon Carina.
Segun kenkuana, mangisayangkat ti Municipal Agriculture Office iti nadakamat nga ili iti verification tapno maammuan no mano ti gatad dagiti nadadael ken naiyanud a fingerlings wenno tilappia no sadinno a maapit inton masungad a bulan ti Setiembre.
Kabayatanna, segun iti Mayor a ti napaspasaran nga agtultuloy a panagtudo gapu iti Super Typhoon Carina ket arigna a nakagunggona lata daytoy gapu iti kinakurang ti suplay ti danum kadagiti kataltalonan.
