LAOAG CITY – Balligi ti search operation nga inwayat ti PNP Currimao, CIDG, INPPO ken PNP Paoay iti maysa a balay iti Brgy. Poblacion 2 iti ili ti Currimao.
Nabigbig ti suspek a ni Mark Loiuse Aglipay y Soria, agtawen ti 35, naasawaan, residente iti nasao a barangay ken adda iti drug watchlist.
Nakumpiskar dagiti otoridad ti maysa a brown garco caliber 22 rifle, maysa a brown eskopeta caliber 22 rifle, maysa a brown ricardo m valiente precision gun caliber 22 iti bodega ti balay na.
Nagtalinaed ni Aglipay iti kustodiyar dagiti otoridad idinto a maiturn-over iti laboratoryo dagiti naala a paltog.
Sumango ti suspek ti kaso a panaglabsing iti Republic Act 10591 wenno Comprehensive Laws on Firearms and Ammunitions.
