LAOAG CITY – Naruay dagiti tattao a napan naggatang ti kasapulan iti uneg ti balay iti nagduduma a pagtagilakoan iti ili a San Nicolas ken iti ciudad iti Laoag kas paset ti panagsagsagana iti isasangbay ti bagyo Ompong.
Iti panagsursur iti Bombo Radyo ket arig na maibusen ti stocks dagiti nagduduma a tagilako kadagiti pagtagilakoan iti ili a San Nicolas ken ditoy ciudad ti Laoag.
Segun iti maysa nga agpapaay ti maysa a pagtagilakoan, naidumduma ti kaado dagiti napan naggatang idi rabii no ikompara iti kallabes.
Kaadoan a ginatang dagiti tattao ket iti bagas, de lata, kandela, noodles, danom, bread ken dadduma pay.
