LAOAG CITY – Narekobre dagiti kameng ti PNP Laoag ti sumagmamano a maipagarup nga iligal a druga, foil, lighter, kartib ken drug paraphernalia.
Daytoy ti inisyal nga impormasyon iti inwayat dagiti otoridad nga search operation iti farm ti subject a ni Bryan Mendoza iti Brgy. 55-B, Salet Bulangon ditoy siudad ti Laoag.
Iti nakalap nga impormasyon ti Bombo Radyo Laoag, naala dagiti nasao a banag iti pannakasalas ti kubo iti nasao a farm ti suspek.
Immuna iti daytoy, naklaat ni Mendoza iti idadateng ti dagiti pulis iti nasao a lugar.
Inmatangan met dagiti kameng ti media, opisyal ti barangay ken sabsabali pay ti operasyon.
