LAOAG CITY – Umabot ti siyam a motorista ti naikkan ti citation ticket kabayatan ti naiyuswat a Comelec checkpoint babaen ti PNP-San Nicolas nga indaulwan ni Police Supt. Jojit del Prado.
Ti nasao a checkpoint ket nairugi ti alas-diyes idi rabii ken nagngudo iti tengnga ti rabii.
Naipaayan ti citation ticket dagiti natiliw gapo ti panaglabsing da iti municipal ordinance kas ti pannakapaay da a mangipakita ti registration ti motorsiklo wenno lisensya.
Kalpasan daytoy ket naiyuswat pay ti checkpoint iti sangwanan a mismo ti istasyon ti PNP iti nasao nga ili.
Naamoan nga awan met dagiti napasamak nga ontowards incident kabayatan ti nasao a checkpoint.
