LAOAG CITY – Rumrumuar ti nagan dagiti nagduduma nga opisyal ti gobierno a maipagarop a sumukat iti pwesto ni Comelec Chair Andres Bautista kas acting chairman ti komisyon.
Daytoy ket kalpasan a na-impeach ni Bautista iti akin-baba a pagpandayan linteg.
Ti pannakiuman ti Bombo Radyo Laoag kenni Atty. John Paul Martin, Comelec Offucer ti ciudad ti Baguio, inbatad na a rumrumuar iti social media ti nagan ni Presidential Legal Counsel Salvador Panelo, Cong. Rodolfo Fariñas ken dadduma pay nga opisyal.
Kuna ni Martin a saan na a masigurado no agpayso dagiti rumrumuar a nagan dagiti opisyal ngem adda ti posibilidad na a dutukan ni Presidente Rodrigo Duterte gapo ta adda ti pagbasaran iti panagpili kas acting Comelec Chairman.
Nupay kasta, kunana a masapol nga urayen ti dsisyon ti Presidente no siasinno ti sumukat kenni Bautista.
