LAOAG CITY – Bassit laeng dagiti napan naggatang iti tiendaan iti ciudad ti Batac iti panangrugi ti Ehanced Community Quarantine (ECQ).
Segun kenni Mr. Danny Crisistomo, maysa nga aglaklako iti nasao a merkado, marigatan da gapo ta bassit laeng ti mapmapan aggatang kabayatan ti ECQ.
Inbatad na pay nga ita a napaigetan ti restriksyon, bassit laeng ti mapastrek da wenno umanay laeng para iti kasapulan ti pamilya da.
Maysa pay kadagiti arungaing na ket ti bayadan da iti pwesto da kangrunaan na ita nga ECQ a bassit dagiti aggatang.
Gapo iti daytoy, umap-apela daytoy iti lokal a gobierno iti ciudad ti Batac a maikkan da kuma ti diskwento iti renta iti pwesto da.
