LAOAG CITY – Inbatad ni Cardinal Pablo Virgilio David nga adda dagiti sumagmamano nga agpanpanday linteg ken nangconfesar a karaman da iti anomalya iti flood control projects.
Inlawlawag na a nagkiddaw dagitoy ti spiritual guide gapo iti naaramid da.
Segun pay iti Catholic Bishops’ Conference of the Philippines (CBCP) president ken Kalookan bishop, a dagitoy a karaman a pulitiko ket napalaos ti panagbabawi da.
Naamoan nga adda ti sumagmamano a gundaway a saan a pagtalnaen ida ti konsensya da.
Saan met a nangipaay ti nagan ti Cardinal ngem dagitoy ket manipud iti Senado ken House of Representatives ti immasideg kadakuada.
Dinakamat na nga arig na ket nariingan da ken masaksaktan gapo kadagiti inaramid da.
Maipalagip a namin-adon a daras a nagpanawagan ni David iti gobyerno a paigetan ti kampanya kontra iti kurapsyon.
