LAOAG CITY – Adda ti addang nga ar-aramiden ita ti House Republicans kas suporta iti immigration ban nga ipatpatungpal ni United States President Donald Trump.
Inbatad ni Rep. Brian Babin nga ita nga aldaw ket nangipasada ti gakat tapno ad-adda a mapatibker pay ti executive order ni Trump nga adda ti pakainaiganna iti immigration.
Iti napalabas a lawas, inpila ni Rep. Brandon Gills ti gakat a “Remain in Mexico” policy a nasken a dagiti asylum seekers ket aguray iti Mexico iti panagdengngeg ti kasoda iti United States immigration courts.
Maipalagip nga inpatungpal ni Trump ti executive order a mangpaiget kadagiti iligal immigrants a dagitoy ket patalawenda.
