LAOAG CITY – Inwaragawag ni Mr. Romar Piscante, CMO staff iti Laoag City Hall dagiti aktibidad a maangay ditoy ciudad ita a lawas.
Segun kenkuana, maobserbaran ita a bulan ti ASEAN month ken maipromote ti ASEAN Awareness babaen ti Civil Service Memorandum Circular Series 2019.
Naibilin kadagiti empleyado ti City Hall nga agarwat da ti ASEAN-insipired attire ti Indonesia, Thailand, Malaysia, Singapore, Vietnam, Brunei, Camboadia, Myanmar, Laos ken Pilipinas.
Inrakurak pay ni Piscante ti pannakaselebrar ti 113th Ablan Day intono Agosto 9 a maibilang a non-working holiday kas nailanad iti RA 6941.
Kunana a kas paset ti selebrasyon ket maisayangkat ti blood letting activity babaen ti Philippine Red Cross, free legal advice babaen ti Integrated Bar of the Philippines, medical mission babaen ti Ilocos Norte Medical Society ken prenatal check-up a maiyuswat iti dakkel a mall iti ili a San Nicolas.
