LAOAG CITY – Inpakaammo ni Mrs.Elma Gabriel, ti mangidadaulo iti Micro Small and Medium Enterprises Office iti gobierno probinsyal nga adda pay ti sumagmamano nga aktibidad a manamnama a maiyuswat sakbay nga agngudo ti tawen.
Kuna na a karaman kadagiti maiyuswat nga aktibidad ket ti “Adal ken Sirmata Business Pitch Competition” a pakipartisiparan dagiti aspirant young entrepreneurs ken agdama nga entrepreneurs ditoy probinsya.
Inbatad ni Gabriel a babaen ti nasao nga aktibidad ket maikkan ti gundaway dagiti maseknan a mangidanun kadagiti business proposal da ken matulungan pay dagitoy a mangpapintas ti plano da nga ipatungpal a negosyo.
Innayon na a ti mapili a business proposal ket maipaayan ti insentibo ken adda ti business support nga ipaay ti gobierno probinsyal.
