LAOAG CITY – Dagus a mangrugi dagiti atleta a Pilipino apaman a simmangpetda idiay France.
Simmangpeten ti delegasion ti Pilipinas iti Metz, France maysa a bulan sakbay a mangrugi ti Paris Olympics.
Adda ti 15 nga atleta ti karaman nga indauloan daytoy ni Philippine Olympic Committee President Abraham “Bambol” Tolentino ken Paris Olympics chef de mission Jonvic Remulla.
Naammoan a dagiti atleta a karaman nga agsanay iti Metz ket da flag bearers Nesthy Petecio ken Carlo Paalam pakairamanan dagiti boksingero nga isuda Hergie Bacyadan ken Aira Villegas, dagiti weightlifters nga isuda Elreen Ando, John Ceniza ken Vanessa Sarno kasta met ti rower a ni Joanie Delgaco idinto dagiti dadduma nga atleta ket nangrugi metten ti panagsanayda iti sabali a pagilian.
Mangnamnama ti Philippine Olympic Committee a manayunan pay dagiti umaayam kabayatan nga umas-asideg ti panangrugi ti Paris Olympics inton Hulio 26.
