LAOAG CITY – Masapol a mapatawan ti administrative sanctions dagiti empleado iti Commission on Audit (CoA) ken City Treasurer’s Office ditoy ciudad iti Laoag.
Daytoy ti inrekomenda ni National Bureau of Investigation (NBI) kalpasan iti inyuswat da nga imbestigasyon iti panagpukaw ti pondo ti nasao a ciudad nga umab-abot ti 85 milyon a pisos.
Segun ken ni Atty. Diosdado Araos, Agent-in charge, inpatulod dan iti Office of the Ombudsman ti resulta iti imbestigasyon da.
Inbatad ni Araos nga adda ti sungsungbatan dagiti nasao nga empleado gapu ta maipagarop nga awan iti inaramid da tapno saan a napukaw ti dakkel a pondo ti nasao a ciudad.
Dagiti posible a mapatawan iti administrative sanctions iti COA ket da Ramelyn Guiang (Resident COA Auditor) ken agdama nga Audit Team Leader, Michelle Simon ( COA Audit Team leader sipud idi 2012 agingga iti 2014.
Inirekomendar pay iti NBI a mapatawan ng administrative sanctions dagiti empleado iti City Treasurer’s Office nga isuda City Cashier Bella Santiago, Milagros Quiape, Karen Mae Salvador, Lani Ruiz ken ni City Accountant Mr. Edgar Pascual.
