LAOAG CITY – Naduktalan nga adda ti sumagmamano nga empleado iti Engineering Office ti gobierno lokal iti ili ti Vintar a mapan da agtime-in ngem saan da a mapan agduty iti lugar a naituding a pagtrabahoan da.
Daytoy ti inbutaktak ni Mayor Richard Degala iti ili ti Vintar.
Segun ken ni Degala, kinataripnong na dagiti empleado iti nasao nga opisina kalpasan nga adda ti dimmanun kenkuana nga adda dagiti mapan agtime-in ngem saan da a mapan iti naituding a pagtrabahoan da kangrunaan na iti “Umok ti Siwawer”.
Nagballaag ti mayor kadagiti maseknan nga empleado nga agpapada a job order a no uliten da pay ti inaramid da ket saanen a mairenew ti kontrata da.
Inpaganetget ni Mayor Degala a masapol nga agbalin a napudno iti trabaho ken ti panagserbi dagiti empleado iti publiko.
