LAOAG CITY – Naduktalan ti Social Security System (SSS) nga adda dagiti sumagmamano nga employer a saan a nangisubsubmitir iti usto a bilang dagiti empleado da.
Daytoy ti kinumpirmaran ni Mrs. Dana Agtang, ti CEO iti Social Security System (SSS) ditoy ciudad.
Gapu ti daytoy, minandar ti SSS dagiti nasurok 500 a tao da tapno agimbestigar kadagiti amin nga establisimiento ditoy ciudad ti Laoag ken dagiti dadduma pay nga ili.
Innayon na nga amin a rekord dagiti establisyemento iti napalabas a tallo a tawen ket marebisar tapno maamwan nu siasino dagiti naglabsing ti pagalagadan iti SSS.
