LAOAG CITY – Naidatag ti plano ti Department of Transportation (DOTr) ti privatization kadagiti sumagmamano nga eropuerto ditoy pagilian.
Inbatad ti Transportation Secretary Jaime Bautista a gapu ta naballigi ti panangiggem ti private company iti Ninoy Aquino International Airport ket mabalin nga isaruno dagiti sumagmamano nga eropuerto nga iggaman ti private company.
Naammoan a sumagmamano kadagitoy ket ti Sangley Airport, Clark Airport ken dagiti eropuerto iti Puerto Princesa ken Iloilo.
Adda dagiti sumagmamano a kompania metten ti nangisubmitir dagiti proposals tapno iggamanda ti privatization ti eropuerto.
Manamnama nga inton sumarsaruno a lawas ket makumpleto a dagiti dokumento nga isubmitir dagiti private companies iti panangiggem ti eropuerto.
