LAOAG CITY – Nabiktima ti ransomware dagiti kangrunaan nga eropuerto iti United Kingdom, Germany ken Belgium.
Daytoy ti rimuar iti imbestigasyon nga inyuswat ti European Union Agency for Cybersecurity (ENISA).
Saan met a nadakamat ti ahensya no sadinno a pagilyan ti naggapoan ti adda iti likodan ti cyber attacks.
Naamoan a manipud pay idi Biyernes ket sumagmamano a byahe kadagiti dadakkel nga eropuerto iti Europa ti nakapasar ti problema iti automated check-in systems.
Naisubli metten iti normak dagiti sumagmamano a flights ngem adda pay laeng dagiti flight kangrunaan na iti Berlin Brandenburg Airport ti addaan ti aberya iti check-in systems.
Inadmitir met ti ahensiya nga ita laeng a tawen ket nakaukkon dagiti adda iti likodan ti ransomware na nga umaboten iti $238 bilyon.
Gagem ti ransomware a makontrol ti system ti computer ken isubli laeng dagiti hackers kasukat ti minilyon.
