LAOAG CITY – Nagtitipon dagiti estudiante ken dagiti aktibista iti panangidaulo ti College Editors Guild of the Philippines kaduada dagiti pamilia dagiti biktima ken ti National Union of Journalists of the Philippines (NUJP) iti Mendiola idiay Manila tapno lagipen ti maika-15 nga anibersario ti Maguindanao Massacre.
Iti maysa a joint statement, inrakurak ti National Union of Journalists of the Philippines a ti agtultuloy a kinaawan ti tignay iti insidente ket mangipaneknek laeng nga adda ti biddot iti sistema ti pananggun-od ti hustisia ditoy pagilian.
Inpetteng ti grupo ti agarup sumagmamano a tawen a pannakapenpen dagiti kaso ti panagpakamatay ken dagiti missing cases dagiti agirakrakurak idi Nobiembre 23, 2009.
Kunana a daytoy ket maysa a pannakadadael ti press freedom ti pagilian no sadinno a dakkel a peggad ti sangsangoen dagiti agirakrakurak a kalikagumda laeng nga agtrabaho nga awan ti marikriknada nga aniaman a pangta iti seguridad ken ti biagda.
