LAOAG CITY – Kinumpirmaran ni Sangguniang Bayan Member Mark Dennis del Castillo iti ili ti Solsona a maus-usar dagiti sumagmamano nga heavy equipment ti lokal a gobyerno iti nasao nga ili iti maysa a pribado a lote iti Sitio Lapaz, Brgy. Juan iti ili ti Solsona.
Kuna na a sinita na da Roque Balino kenni Christopher Pascual agpada a driver ken operation ti dumptruck ken payloader ti munisipyo.
Inbunannag ni Del Castillo nga adda pay ti gabgaburan da iti Brgy. San Marcos iti ili ti Dingras.
Segun kenkuana, indasar na iti regular session idi kalman ken kiniddaw ti bise mayor a mapaayaban dagiti maseknan ngem saan nga inaprobaran ti mayor.
Naamuan ni del Castillo nga umabot iti agarup 40 a truck load ti naigabur iti pribado a lote idinto nga umabot ti 1,800 a pisos ti bayad iti kada truck load.
Nupay kasta saan nga ammo ti opisyal ti rason a saan nga inaprobaran ti mayor ti kiddaw ti bise mayor tapno maimbestigar dagiti nainaganan nga empleyado.
Mainaig iti daytoy, awan ti naputar nga ordinansa seknan iti pannakaipaupa dagiti heavy equipment.
Para kenni Del Castillo ken dagiti kakadua na iti konseho a maipagarup nga adda ti magkalkalob kadagiti maseknan.
