LAOAG CITY – Naipan ti kustudyar ti CENRO iti ili ti Bangui dagiti tallo a dumptruck ken maysa a backhoe gapu ti illegal a panagisayangkat da ti illegal a panagquarry iti banban river.
Nabigbig ti agtagikua kadagiti nakumpiskar a dumptruck ken backhoe a ni Mr. Larry Sunga.
Segun kenni Mr. Mark Rowell Juan Forester, quarry officer iti nadakamat nga ili, nagreklamo ti akinbagi ti quarry site a ni Mr. Joey Soriano nga adda simrek iti lugar isut gapuna a napan kinita dagiti otoridad ken ditoy a naduktalanda ti illegal nga aktibidad dagiti maseknan.
Saan pay a makumpirmaran ni Juan nu ana a Brgy. ti pagnanaedan ni Sunga iti nasao nga ili ken nu ania ti background na.
Manarimaan paylaeng ti imbestigasyon ti CENRO iti nadakamat nga insidente.
